Þingeyingurinn

ég komst heil heim, bara degi seinna er áætlað var. en ég komst norður og það skipti mig öllu. Vona að það komist allir heim til sín um jólin.
Jóla-jóna hefur talað með gleði í hjarta og jólaepli í maga.

Ég ætla að láta mér líða betur í hjartanu en mörg önnur jól, nú get ég ekki haft áhyggjur af neinum prófum og er þá eitthvað til að hafa áhyggjur af? ég held ekki.

er búin að renna yfir jólakortin, rakst á einn Akranes póststimpil sem ég er gríííðarlega forvitin um en bansett umslagið er límt aftur, svo að ekki get ég kíkt fyrr en annað kvöld...

Hljóp beina leið út í fjós þegar ég kom heim í kvöld og rakst þar á eina nýfædda kvígu sem myndi heita Ófeigur Þorlákur ef hún væri naut. Hjálpaði henni með ein af fyrstu skrefunum, en hún var ansi slöpp eftir að hafa næstum endað stutta tíð sína í flórnum.

Svo að lokum vil ég óska lesendum þessarar litlu síðu gleðilegra jóla og þakka fyrir lesturinn á árinu, um leið og þingeyingurinn fer i jólafötin.

í dag vil ég þakka:

rangerover, audi, volvo og benz eigendum í beykihlið og danska sendiráðinu fyrir upphitaðar gangstéttir

og gúmmisólunum á skónum mínum.

6 dagar í youknowwho's og 13 dagar í youknowwhat

um daginn byrjaði ég að lesa Nafn rósarinnar í annað skipti. 

Þá tók ég bæði eftir því að ég gat komist á netið á ný og að gólfið hjá mér hallaði ískyggilega. 

þar til að ég finn út lausn til að afhalla gólfinu verður Umberto víst aðeins að bíða..

Morbid, morbid dagur í vinnunni í dag.

Klukkustund eftir að ég mætti til vinnu sleit einhver eitthvert iðnaðargáfnaljós í sundur eittþúsund símastrengi, þar á meðal alla þá sem lágu í Verkfræðistofuna Hnit (góðan dag). þannig að það sem eftir lifði dags var ekkert símasamband eða netsamband við okkur.

Hvað í óskupunum á fólk að gera í vinnunni þegar það er ekkert net? 

þannig að í dag, skreyttum við jólatréð.. og fór í Heiðrúnu (vínbúðina..), svaraði ekki í símann, skrældi (segir maður það) egg.. vúbbíídúú... 

trúiði þessu?

ég trúi því ekki!

ég var rægð um að horfa ekki á fréttir og fylgjast ekki með fréttum.

skandall...!